ഒളിച്ചോട്ടം

ഇന്ന്

രാവിലെ ഉണര്‍ന്നെണിറ്റപ്പോ

'എന്നെ കാണാനില്ല.....!!!!'

ഇന്നലെ

രാത്രി,

ലഹരി വീതം വയ്ക്കുമ്പോള്‍

എന്നെ നോക്കി ചിരിച്ചവരുണ്ട്.

ചുവന്ന വെളിച്ചം

തെളിയുന്ന 'മാംസ'ളശാലയില്‍

വിലപേശുന്ന എന്നെ വിളിച്ചവരുണ്ട്.

താളിപണയക്കടയുടെ പിറകിലും

ചൂതാട്ട മേശയ്ക്ക്‌ മുന്നിലും

എന്നെ കണ്ടവരുണ്ട്.

എന്നിട്ടും,

ഇന്ന്

ഉണര്‍ന്നെണിറ്റപ്പോ

എന്നെ കാണാനില്ല.

ഏതായാലും ആശ്വാസമായി.

ഇന്നാണല്ലോ

പാല്‍ക്കാരനും,

പത്രക്കാരനും,

പലച്ചരക്കുക്കടക്കാരനും,

പറ്റുബുക്കുമായി വരുക....