Oct 5, 2012

നിറഞ്ഞാടുക, എന്നില്‍ നീ..; നിറയൊഴിഞ്ഞൊടുങ്ങി തീരും വരെ……























ഇന്നും ഞാന്‍ ആ ഇടവഴിക്കരികില്‍ ഉണ്ടായിരുന്നു...
നിന്നെ ഒന്നു കാണാന്‍ ….

നീയില്ലാതെ, നിന്റെ ചുംബനങ്ങളില്ലാതെ…. നിന്റെ നിശ്വാസങ്ങളില്ലാതെ….
നാമില്ലാതെ… നമ്മുടെ ചൂടില്ലാതെ… നമ്മുടെ സീല്‍ക്കാരങ്ങളില്ലാതെ….
വയ്യെനിക്ക്, ഈ ഇടവഴിയിലിങ്ങനെ ഒറ്റയ്ക്ക്…

ഇല്ല…!!!!
ഇനിയും വരും… എന്നും വരും….
മരണത്തിന്റെ നാമ്പുകള്‍  എന്നില്‍ നിറഞ്ഞൊടുങ്ങും വരെ ഞാന്‍ വരും….

നിന്നെ കണ്ണ് കൊണ്ടെങ്കിലും ഒന്നു ഓമനിക്കാന്‍,
നിന്റെ നിഴലിനെയെങ്കിലും ഒന്നിറുകെ പുണരാന്‍,
ഹൃദയം കൊണ്ടെങ്കിലുമൊന്ന് സ്ഖലിക്കാന്‍ ഞാനെന്നും വരും..

നിറഞ്ഞാടുക, എന്നില്‍ നീ; നിറയൊഴിയും വരെ….
നാമില്ലിനി…. നമ്മളുമില്ല…
നീയും ഞാനും മാത്രം.
എങ്കിലും,
എന്നെങ്കിലും,
നമുക്ക് നമ്മളാവാതിരിക്കാന്‍ പറ്റില്ലല്ലോ..

നിറഞ്ഞാടുക, എന്നില്‍ നീ;
നിറയൊഴിഞ്ഞൊടുങ്ങി തീരും വരെ……